This transcription has been completed. Contact us with corrections.
[[start page]] [[blank page]] [[end page]] [[start page]] ^[[2]] -2- I ain' no fuh go fuh no flour. Dem fuh bring em to me. You see! Now, how I gine lef' my home, gwine yonduh two or five mile from my house an' go fuh flour? An' den, you see, ain' dere no self-rising' [it's not self-raising]. Dat flat flour. I haf fuh buy shoda [soda]; I haf fuh buy lard; you see? I haf fuh buy sugah, fuh--fuh-- fuh if I had de flour, I had [I'd have] to pay. You can't plant--you can't cook dout |without| --dout salt. Dem people w'at go dere had fuh de buy all dem ting. You see! Won't dey [have to] ---ain' I gine cook em fresh? Huh! I cook em fresh all right. Yes, mam! So I ain' gine worry uh soul. I satisfy w'at Gawd done fuh me. I ain' gine worry uh soul. I satisfy w'at he done fuh me. Now! I satisfy. W'at he done fuh me I satisfy. I know he can't do no mo, ne bit mo. I know I satisfy w'at him done fuh me. Yes, I satisfy. W'en dey tell me set down by fire and sing praise me Gawd----w'en I done praise me Gawd---tell me praise, I gone to bed. Come, Jesus, come, I gwine again. W'en de day light, I me [make] me low cutshy [curtsy], "Tank Gawd, I see Tursdy [Thursday]." W'en de sun down, I gwine me room--mek cutshy. I say, "Tanky Jesus! Mamma! Mausuh! if I ain' live fuh see de mawnin', tek [take] care de soul." Dats my word. "Tek care de soul. I ain' min' 'bout de body." Den I say, "I ain' gwine to de debil, fuh he beat me; he berry [very] planny [has many plans; is resourceful]". An' I ax Jesus fuh be wid me. I got myself gone on heb'm. Me want git dere. [[end page]]