Viewing page 5 of 16

This transcription has been completed. Contact us with corrections.

[[start page]]
[[blank page]]
[[end page]]
[[start page]]
^[[4]]
-2-
ol' people dere ain' git tanky.  See?  quarrel---ain' git tanky.  See?  Dem dere de complain.  I tell em I don't complain.  I lef all ting een Gawd han'.  I say, "Sistuh Janie," I say, "Gawd's gine mek dese buckra jump up on Edisto."  [I] say, "Gawd's gine een dem bod an' tuk dem out'.'  I tell em so.  Dey ain' none of em been dere talk [in] long time.  W'en dey see me, dey ax place fuh sit down aftuh una [you] gone [went].  I gone dere, gine visit him.  I say ain' got uh ting, but haf fuh dis [just] sen' fuh Irish tatuh wid tree [three] head uh chillun.  You see?  Den do chillun dere een New York send word--say dey ain' gine git nutt'n.  See?  Now, ain't you know, say, comin' back rebel time?  Buckra ain' gine gie you nutt'n if you walk dat road till you crazy an' do w'at [what] you will.

You know w'at dem pay fuh bean?  You know w'at dem pay fuh bean?----Five an' one cent, fuh---w'en you pick up dem dean---dat lima bean---you ain' nevuh got but five an' one cent een trade.  Two crate come to eh----ain' nuff [enough] fuh buy my baccuh.  Dat de debil way dey de gie you now.  Den you knock off w'en sun hot.  Den you go back een fiel'.  Den w'en you hoe corn, dey gie you twelve cent fuh hoe corn--twelve cent--twelve center--all day!  W'en dey call back fuh go back, you go right back een de same sun. Me ain' comin' back een dat buckra fiel' an' do dat ting.  Not me!  No!  Not dis here Diana.  Diano done been tru do much ting in rebel time ----tek [take] water, piggin, an' all dem thing.
[[end page]]