Viewing page 55 of 160

This transcription has been completed. Contact us with corrections.

et v. ut eos qui ex illa multiplicatione proferuntur, rursus in quadruplum, et eandem fieri proportionem inofensa nimiorum ratione reperies. Et cetere species una semper multiplicatione crescentibus radicibus oriuntur. Radices autem proportionum uoco numeros, in superiore dispositione descriptos, quasi quibus omnis summa superdictem comparationis initur. Hoc quoque uidendum est, quem cum due partes ex minorem, plus in maioribus sunt tertii uocabulum subauditur. Vt superbipartiens, qui dicitur, quem duas minoris numeri (tertias partes habet, dicatur superbipartiens tertias, et cum dico supertripartiens ^ quartas, quem tribus [[margin]] ^ subaudire necesse sit, supertripartiens [[/margin]] quartas superexuberat. Et in superquadripartienti subauditur superquadripartiens quintas, et ad eundem modum in cunctis, uno semper adiecto, super habitas partes subauditio semper facienda est, ut eorum germana conuenientiaque his nomina hic sint, ut qui dicitur superbipartiens, idem dicatur superbitertius. Qui dicitur supertriparties, idem dicatur supertriquantus. Et qui dicitur superquadriparties, idem dicatur superquadriquintus eademque similitudine, usque in infinitum nomina producantur.
[[red ink]] De multiplici superparticulari. [[/red ink]]
[[large red capital I with blue penwork]]IGitur relate ad aliquid quantitatis simplices et prime species he sunt, due alie ex his uelut ex aliquibus principiis componuntur, ut multiplices superparticulares, et multiplices superpartientes, horum quoque comites, submultiplices superparticulares, et sub multiplices superpartientes. Namque in his, ut in prodentis proportionibus, minores numeri omnes, et eorum queque species, addita sub propositione dicuntur. Quorum diffinitio talis reddi potest. Multiplex superparticularis

c 5