Viewing page 84 of 160

This transcription has been completed. Contact us with corrections.

superiori uel superioribus uincens eum ternario, cui iungendus est, aggregetur. Namque unitati, intermissis duobus et tribus, si quotuor iungas, qui tribus ipsam superat unitatem, quinarius pentagonus procreabitur. Post quatuor uero, si intermisso quinario et senario. vii aggreges, duo denarium pentagonum procreabis. Nam unus et quatuor et septem numeri, duodecium explebunt. Haec etiam in aliis fiet. Nam si .x. uel .xiii. uel xvi. uel xix. uel xxii. uel xxv. superioribus cunctis adiunxeris, eodem quoque, quo superius, modo pentagoni fient, secundum superiorem descriptionem, xxii. xxxv. li. lxx. xcii. cxvii.
[[red ink]] De exagonis [[/red ink]]
[[large red capital E with blue penwork]]Xagoni sunt autem qui sex angulis. Et eptagoni qui septem lateribus rursus continentur. Secundum hunc [[margin]] [[symbol]] augmenta [[/margin]] modo eorum laterum [[symbol]] succrescunt. Nam in trianguli numeri, natura procreationeque, ipsos numeros iungebamus, qui se se in naturali dispositione sequerentur, et ss tamen unitate transirent. Quadrati uero numeri id est tetragoni, procreatio fiebat, ex numeris qui vno intermisso copulabantur, cum se binario superarent. Pentagoni uero natura funt, ex duobus interpositis, relictisque qui se ternatio uincerent. Secundum quoque talia argumenta exagonorum, uel eptagonorum, uel octogonorum, uel nouem laterum figure, uel .x. uel quotlibet aliorum competenti progressione conficitur. Vt enim in pentagono, duobus intermissis, eos iungebamus, qui se ternario superarent. Nunc in exagono, tribus intermissis, eos iungemus, qui se quaternario transeant, et erunt quidem eorum radices et funda