![Transcription Center logo](/themes/custom/tc_theme/assets/image/logo.png)
This transcription has been completed. Contact us with corrections.
44 ut si quis .xvi. tetragono, adiiciat .ix. atque huic .iiii. et ab ulteriori se se unitatis adiectione suspendat. Piramis equidem figura est, sed quoniam usque ad cacumen uerticis non excreuit, curta uocabitur, et habebit sumitatem, non iam punctum, quod est unitas, sed superficiem, quod est quilibet numerus secundum basis illius angulos porrectus, atque ultimus aggregatus. Nam si tetragona fuerit basis, quadrata diminutione, semper ascendet, et si pentagona basis similiter, et si exagona, quoque illa ultima superficies, erit exagona. Ergo in curta piramide tot erit angulorum, superficies, quot fuerit basis. Si uero piramis, non solum ad unitatem extremitatemque non peruenit, sed nec ad primum quoque opere et [[superscript]] nec [[/superscript]] actu, multi angulum eius generis cuius fuerit basis, bis curta uocabitur. Vt si a .xvi. tetragono proficiscens usque in nouem, terminum ponat, neque excrescat ad quatuor, et quotcumque tetragoni defuerint, totiens eam curtam dicimus esse, ut si unitas defuerit, primus quadratus, curta, quam greci [[empty space]] uocant. Si uero duobus [[margin]] corilon [[/margin]] tetragonis deficiat id est unitate, et eo qui sequitur, bis curta uocatur, quam greci [[empty space]] uocant. Quod si tribus [[margin]] dicorilon [[/margin]] tetragonis, ter curta dicetur, quam greci [[empty space]] [[margin]] tricorilon [[/margin]] uocant. Et quotcumque tetragoni fuerint minus totiens illam piramidem curtam esse preponimus. Hoc autem no solum a tetragono piramidis, sed est in omnibus ab omni multiangulo progredientibus speculari licet. [[red ink]] De cubis uel aseribus laterculis uel spericis uel paralellibipedis numerum [[/red ink]]