Viewing page 117 of 160

This transcription has been completed. Contact us with corrections.

ad ueterum lectionum intelligentiam prodesse possint, arithmetica introductione commodissime terminare. Est igitur proportionalitas duarum, uel trium, uel quotlibet proportionum assumptio ad unum atque collectio. Vt autem [[margin]] [[bracket]] Quod sit proportionalitas [[/margin]] communiter diffiniamus. Proportionalitas est duarum uel trium uel plurium proportionum similis habitudo, etiam si non eisdem quantitatibus et differentiis constitute sint. Differentia uero est inter numeros quantitas. Proportio est duorum terminorum ad se inuicem quedam habitudo, et quasi quodammodo continentia quarum compositio, quod efficit proportionale est. Ex iunctis enim proportionibus proportionalitas fit. In tribus autem terminis minima proportionalitas inuenitur. Fit etiam in pluribus sed longior. Vt binarius ad unum, quoniam duo sunt termini duplam obtinent proportionem. Sin uero .iiii. contra .ii. compares, et hic quoque dupla proportio est. Quos tres terminos si continue consideres, es duabus proportionibus fit proportionalitas vnum ad duo, et duo ad quatuor. Et est proportionalitas, ut dictum ^ [[insertion]] est [[/insertion]] collectio proportionum in unumque redactio. Fit etiam et in longioribus. Nam si .iiii. illis, octo uelis adiungere, et his .xvi. et his .xxxii. et deinceps duplus qui sequitur, fit in omnibus dupla proportionalitas ex proportionalibus duplis. Igitur quotiens unus atque idem terminus, ita duobus circum se terminis communicat, ut ad unum dux sit, ad alium comes, hec proportionalitas continua uocatur, ut unus duo quatuor. Est enim equalitas in his proportionibus, et quemadmodum sunt .iiii. ad duo, sic duo ad unum sunt. Et rursus quemadmodum sunt unum ad

Transcription Notes:
not sure best way to transcribe bracketing with marginal comment -@meg_shuler