Viewing page 17 of 27

This transcription has been completed. Contact us with corrections.

Quattuor decimus tertia jam vice concorditer electus est prior Bonus ille pastor Frater Sanctes Schiatterius saepedictus qui, dum Faventiae prior Sancti Andreae ordinis nostri praeesset, illo onere fuit levatus, ut hoc subiiret per reverendissimum ordinis magistrum Corradum Astensem, vigore commissionis sibi factae a fratribus omnibus Conventus huius, qui unanimiter ac legitime suas voces ac vota de novo priore eligendo in praefatum reverendissimum magistrum publicae commiserunt; qui eum absolvens a prioratu Faventini Conventus, summa fratrum laetitia hunc illum praefecit xviiiva Septembris Mcccclxiij. Atque pro more laudabiliter prefuit ad xvijam diem Januari Mcccclxx. Sub extremo sui prioratus tempore, conventus hic ex illius  permissione subtractus fuit a Lombardis una cum conventu Fesulano. De qua divisione (?) habes plura in prima huius chronicae parte, idcirco (tot) hic sufficiat dixisse.
Quintus decimus prior suffectus fuit magister Hieronymus de Parlascha Cumanus anno Domini Mcccclxx, praefuitque menses circiter sex. Hic cum viacrius generalis Conventuum Reformatorum utriusque Lombardiae proxime extitisset, ubi ad finem eius offici pervenit, egit ut Conventus Sanctae Mariae Angelorum de Ferraria et Conventus Sancti Dominici de Mutina atque is et Fesulanus a Lombardis deficerent (?), quorum ipse remansit vicarius generalis. At cum Bonus pater Frater Sanctes Schiattesius viri animum non bene vivendi, gratia discidium excitasse intellexisset, habita omnimoda super conventum hunc et eius

Transcription Notes:
copied from the "Chronica conventus Sancti Marci de Florentia"