Viewing page 51 of 160
This transcription has been completed. Contact us with corrections.
23 unitatem. Secundus secundum, senario, ut .viii. binarium. Tertius tertium nouenario transent, ut duodenarius ternarium, et sequentes summule, tamen semper adiecta quantitate se transiliant. Et si quis subteriores aspiciat angulos, idem per omnes multiplicitatis species, usque ad decuplum dispositissima ordinatione reperiet. Si quis uero in hac descriptione superparticularis species requirat, tali modo reperiet. Si enim secundum angulum notet, cuius est initium quaternarius, eique superiacet binarius, atque ad hunc sequentem quis accommodet ordinem, sesqualtera propositio declarabitur. Nam tertius secundi uersus sesqualter, est, ut .iii. ad .ii. uel .vi. ad .iiii. uel ix. ad .vi. uel .xii. ad .viii. Iterque in ceteris qui sunt in eadem serie numeri, si talis coniugatio misceatur, nulla uarietatis dissimilitudo surripiet. Eadem tamen summarum supergressio est. In hoc quoque que in duplicibus fuit. Primus enim primum id est ternarius binarium, uno superat. Secundus uero secundum duobus. Tertius tertium, tribus, et deinceps. Si uero quartus ordo, tertio comparetur, ut .iiii. ad .iii. et .viii. ad .vi. et eodem ceteros ordine confecteris sesquitertia comparatio colligitur, ut iiii. ad .iii. uel .viii. ad .vi. et .xii. ad .ix. Vides ne [[strikethrough]] igitur [[/strikethrough]] ut in omnibus his sesquitertia comparatio consequetur. Preterea eos, qui sub ipsis sunt, si idem faciens sequentes uersus alterutris comparaueris, omnes sine ullo impedimento species superparticularis agnosces. Hoc autem in hac dispositione est diuinum, quod omnes angulares numeri tetragoni sunt. Tetragonus autem dicitur, ut breuissime dicam (quod post latius explicabitur) quem duo numeri equales, multiplicant, ut in c 3
