![Transcription Center logo](/themes/custom/tc_theme/assets/image/logo.png)
This transcription has been completed. Contact us with corrections.
triangulo. Secunda piramis de tetragono. Tertia piramis de pentagono. Quarta de exagono. Quinta de eptagono, idemque in ceteris constat numeris. Nam quem linea rex numeros esse diximus, qui ab uno perfecti in infinitum currunt, ut sunt, i. ii. iii. iiii. v. vi. vii. viii. ix. x. his autem ordinatim compositis, et in se in uicem cum distantia uinctis superficies nascebantur, ut si vnum et duo iungas, primus triangulus nasceretur, id est .iii. et cum his adiungeremus tertium id est ternarium, senarius triangulus rursus occurreret. Et post hos tetragoni uno intermisso. Pentagoni uero duobus. Exagoni [[strikethrough]] i [[/strikethrough]] tribus. Eptagoni relictis quatuor nascebantur. Nunc uero ad solidorum corporum procreationem, ipse nobis superficies naturaliter figurate prouenient, et ad faciendas quidem piramides, a triangulo, ipsi nobis trianguli compodendi sunt. Ad procreandas uero piramides a tetragono, tetragoni. Ad eas uero qui sunt a pentagono, pentagoni copulandi sunt, et ille qui sunt ab exagono, uel [[erased]] a [[/erased]] eptagono, non nisi exagonorum uel eptagonorum copulatione nascentur. Primus uero potestate triangulis, unitas est, eandemque etiam ponimus uirtute piramidam. Secundus uero triangulis ternaius quem si cum primo coniunxeris id est cum unitate quaternaria mihi profunditas piramidis excrescit. At uero si his, tercium senarium uinxero, denaria piramis procreabitur numerorum ueniet. Atque ita in cunctis aliis eadem ratio comparationis est, ut docet hec forma trianguli.