Viewing page 91 of 160

This transcription has been completed. Contact us with corrections.

43

[[large blue capital I with red penwork]]N hac igitur coniunctione, necesse est, ut semper qui ultimus sit coniugatorum numerorum, is quasi quodammo basis sit. Cunctis enim latior inuenitur, et qui ante ipsum numeri coniungantur, minores esse necesse est usque dum ad unitatem detractio rata perueniat, que puncti quodammodo et uerticis obtineat locum. Namque in .x. piramide, super [[margin]] aditi [[/margin]] sex, adieci [[symbol]] .iii. atque unus. Qui senarius superat ternariam quantitatem, ipsi uero .iii. unum pluralitate transcendunt. Qui unus extremum terminum progressionis ostendit. Similis quoque ratio in ceteris potest prospici, si eorum procreationes diligentium uolueris perscrutari. Ille uero que sunt a tetragono piramides eadem tetragonorum super se compositione nascuntur. Descriptis enim cunctis tetragonis, id est i. iiii. ix. xvi. xxv. xxxvi. xlix. lxiiii. lxxxi. C. Si unitatem primam ex hac dispositione presumam, erit mihi potestate et ui, piramis, ipsa unitas, nondum est opere atque actu. At si huic tetragonum superponam id est iiii. nascetur piramis .v. numerorum, que duobus tamen numeris per latera positis continetur. Si uero his sequentes .ix. adiecero, fiet mihi .xiiii. numerorum forma piramis, qye per patera tribus unitatibus concludetur [[superscript]] a [[superscript]]. Atque huic si sequentem tetragonum .xvi. superponam quaternaria mihi piramidis forma producitur. In his quoque omnibus piramidibus, tot erunt unitates per latera, quante in se numerorum aggregate fuerint quantitates. Nam unitas qui prima piramis est, unum solum id est se ipsum gerit in latere. Quinque uero qui constat ex uno et quatuor, duobus