![Transcription Center logo](/themes/custom/tc_theme/assets/image/logo.png)
This transcription has been completed. Contact us with corrections.
[[large red capital A with blue penwork]]C de solidis quidem, que piramidis formam obtinent, equaliter crescentibus, et propria uelut radice multiangula progredientibus, dictum est. Est alia rursus quedam corporum solidorum ordinabilis compositio ^ [[insertion]] scilicet [[/insertion]] eorum qui dicuntur cubi, uel asseres, uel laterculi, uel cunei, uel sperei, uel paralellipedi, que sunt quotiens superficies contra se sint et ducte in infinitum numerum, numquam concurrent. Dispositis enim in ordine tetragonis .i. iiii. ix. xvi. xxv. quoniam hi solum longitudinem latitudinemque sortiti sunt, et altitudine carent, si per latera solam unam multiplicationem recipiant, equalem prouehunt profunditatem. Nam quatuor tetragonus duos habet in latere, et natus est ex his duobus, bis enim duo .iiii. faciunt. Hos igitur duos ex ipsius latere, si multiplices equaliter, cubi forma nascetur. Nam si bis binos, bis facias, octonarii quantitas crescit, et est primus hic cubus. Nouem uero tetragonus, quoniam tres habet in latere, et factus est ex tribus multiplicatis, si ei unam lateris multiplicationem adiunxeris, rursus alius cubus equali laterum formatione concrescit, ter enim tres, si tertio duxeris .xxvii. cubi figura producitur. Et .xvi. qui est ex .iiii. si quater augescas, lxiiii. cubus, pari laterum dimensione crassabitur, et sequentes quidem tetragoni, secundum eundem modum multiplicatione facta, prouehuntur. Tot autem necesse est, unitates cubus habeat in latere, quot habuit ille tetragonus, ex quo ipse productus est. Nam quoniam quatuor tetragonus duos numeros habet in latere, duos quoque habet