![Transcription Center logo](/themes/custom/tc_theme/assets/image/logo.png)
This transcription has been completed. Contact us with corrections.
uero medietatem, optimatum dicunt esse rem publicam, ideo quod in maioribus terminis, maior proportionalitas inuenitur. Geometrica medietas popularis quemadmodum exequate ciuitatis est. Namque uel in maioribus, uel in minoribus equali omnium proportionalitate componitur. Et est inter omnes parilitas quedam medietatis equum ius in proportionibus conseruantis. [[red ink]] Quod superficies vna tantum in proportionalitatibus medieta iungantur solidi uero numeri duabus medietatibus in medio collocatis [[/red ink]] [[large red capital P with blue penwork]]Ost hec igitur tempus est ut expediamus nunc quiddam nimis utile, in platonica quadam disputatione, que in thimei cosmapoeia, haud facili cuiquam, uel penetrabili ratione uersatur. Omnes enim plane figure, que nulla altitudine crecunt, una tamen medietate geometrica continuantur, alia enim que iungat non potest inueniri. Vnde duo tamen interualla in his sunt constituta, a primo scilicet ad medium, et a medio ad tertium. Si uero fuerint cubi duas tantum habebunt medietates ubi tertia inueniri non poterit, secundum geometricam scilicet proportionem. Vnde forme solide tria interualla dicuntur habere. Est enim unum interuallum a primo ad secundum, et a secundo ad tertium, et a tertio ad quartum que scilicet est postrema distantia. Recte igitur et plane figure, duobus interuallis, et solide tribus contineri dicuntur. Sint enim duo tetragoni .iiii. scilicet et .ix. horum igitur unus ^ [[insertion]] tamen [[/insertion]] melius in eadem [[margin]] medius [[/margin]] proportionem constitui potest. Namque senarius ad .iiii. sesqualter est et .ix. ad senarium eodem modo sesqualter, hoc autem idcirco euenit quam singula latera singulorum tetragonorum